Nisur nga rritja e numrit të të infektuarve me Covid-19 në vendin tonë gjatë ditëve të fundit, Ministrja e Shëndetësisë Ogerta Manastirliu u bën apel qytetarëve për vaksinim. Përmes një postimi në “Facebook”, Manastriliu thotë se në vendin tonë aktualisht janë mbi 5 mijë raste me COVID-19, ndërsa shkruan se qytetarët duhet të vaksinohen për të ruajtur shëndetin e tyre dhe të të tjerëve që i rrethojnë. Sipas saj, qendrat e vaksinimit janë të hapura edhe në fundjavë, ku të gjithë qytetarët mbi 18 vjeç mund të paraqiten nga ora 80:00 deri në 20:00 me mjetin e identifikimit për të marrë vaksinën anti-COVID.
“Rritja e rasteve të infektimeve ditore, të shtrimeve në spital dhe kalimi i mbi 5 mijë rasteve aktive me COVID-19 në vend, kërkon nga secili prej nesh përgjegjësi për mbrojtjen e shëndetit për veten dhe të tjerët, duke u vaksinuar sa më parë ndaj COVID-19 si dhe duke respektuar protokollet e shëndetit publik të cilat përcaktojnë qartë masat që duhen zbatuar në çdo mjedis dhe aktivitet. Vendos maskën, ruaj distancën, laj duart, shfrytëzoni ditët e muajit të hapur të vaksinimit masiv. Edhe gjatë fundjavës mund të vaksinoheni në qendrat e vaksinimit në të gjithë vendin”, shkruan Manastirliu.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
