Policia e Shtetit ka ndarë një mesazh të veçantë urimi, me rastin e 110-vjetorit të Pavarësisë së Shqipërisë.
Pamje të patrullave të policisë dhe efektivë të cilët mbajnë flamurin në duar, vijnë në video-mesazhin e policisë.
Punonjësit e Policisë së Shtetit, betuar për Flamurin Kombëtar dhe në shërbim në çdo skaj të Shqipërisë, janë garantë të denjë dhe qytetarët të cilët mbartin përgjegjësinë e të qenit barrikadë ndaj krimit.
Efektivët e familjes së madhe të Policisë së Shtetit, me të cilët qytetarët shkëmbejnë çdo ditë besim, përkushtim, respekt dhe përgjegjshmëri, Ju urojnë gëzuar festën e Pavarësisë dhe festën e flamurit!
Atdheu ynë është e mira jonë e përbashkët, është pasuria jonë e çmuar dhe përgjegjësia jonë ndaj brezave të ardhshëm, ndaj jemi 24/7, në çdo skaj të vendit, të gatshëm për t’ju shtrirë dorën e bashkëpunimit, për sigurinë tuaj, për të mirën e Shqipërisë. Gëzuar festat!
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
