Tetë prostituta dolën pozitiv me koronavirus në Spanjë, duke alarmuar autoritetet shëndetësore, pasi nuk janë në gjendje të gjurmojnë klientët e tyre.
Ngjarja është shënuar në qytetin Alcazar de San Juan në bashkësinë autonome të Castile-La Mancha, ndërsa u përcaktua si “shumë shqetësuese” nga autoritetet lokale, të cilat po bëjnë gjithçka për të shmangur shpërthimin e epidemisë.
Nga të dhënat u mësua se tetë shoqërueset, të cilat dolën pozitiv me koronavirus, punonin në një shtëpi publike. Ato mbanin maska, por kjo masë siç duket nuk i ndihmoi vajzat të mos infektoheshin.
Deri më tani janë zbuluar vetëm katër burra të cilët ditën e fundit frekuentuan shtëpinë publike, ndërsa nga autoritetet iu kërkua që të vetizoloheshin për 14 ditë.
Megjithatë, autoritetet shëndetësore janë të bindur se numri i personave të infektuar mund të jetë shumë më i lartë.
Kjo është arsyeja pse ata iu bënë apel të gjithë atyrë që kanë frekuentuar shtëpinë publike të tregojnë më shumë përgjegjësi dhe gjithashtu të kryejnë tamponin.
Apeli i autoriteteve për momentin nuk është marrë parasysh, pasi klientët nuk kanë preferuar të identifikoheshin.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
