Kryeministri i Armenisë, Nikol Pashinian dhe katër anëtarë të familjes së tij kanë dalë pozitivë në testet për koronavirus.
“Fatkeqësisht, rezultatet e testeve tona janë pozitive”, tha Pashinian gjatë një komunikimi të drejtpërdrejtë në Facebook.
Kryeministri, 45 vjeçar jeton me gruan dhe tri vajzat e tyre.
Pashinian tregoi se është vetizoluar në rezidencën e tij dhe se do të drejtojë qeverinë nga atje.
Që nga shpërthimi i koronavirusit në Armeni në muajin mars, ky vend ka identifikuar mbi 9,400 raste të infektuarish dhe 139 viktima.
Sakaq, kjo nuk është hera e parë që zyrtarë të një niveli të tillë infektohet me Covid-19.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
