Autoriteti Kombëtar i Ushqimit ka bllokuar një restorant kinez në kryeqytet pasi kushtet në të cilat punonte ky biznes ishin jashtë çdo standarti higjieno- sanitar.
Restoranti në fjalë ndodhe në rrugën Jordan Misja, mjaft pranë Liceut Artistik në Tiranë.
AKU ka reaguar falë një sërë denoncimesh në median sociale.
“Inspektorët e Drejtorisë Rajonale Tiranë, pasi kanë kryer inspektimin dhe konstatuar që ky subjekt restorant ushqim kinez, kryente veprimtarinë e tij jashtë çdo kushti higjieno-sanitar, kanë marrë masën e menjëhershme të bllokimit të tij.
Autoriteti Kombëtar i Ushqimit falenderon të gjithë qytetarët, median sociale dhe atë vizive, të cilët bashkëpunojnë për të arritur qëllimin për garantimin e sigurisë ushqimore të konsumatorëve shqiptarë, duke apeluar në mënyrë të vazhdueshme që të denoncohet pranë Portalit online të AKU “Inspektori Dixhital” për çdo problem dhe shqetësim në lidhje me sigurinë ushqimore.”- shkruhet në njoftimin e AKU-së.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
