Dhjetëra punonjëse të një rrobaqepësie në Bilisht kanë dalë në protestë me pretendimin se nuk kanë marrë pagën në bazë të ligjit që ka miratuar qeveria Rama.
Rreth 100 punonjëse kanë dalë jashtë godinës duke protestuar, pasi pretendojnë se marrin më pak se 200 mijë lek në muaj, ndërsa kërkojnë pagën minimale të vendosur nga kryeministri.
Nga ana e tij pronari i rrobaqepësisë Fatjon Shega, i kontaktuar nëpërmjet telefonit shprehet se punonjëset marrin pagesën sipas ligjit (30.000 lekë të reja) dhe kjo pagesë kalohet nëpërmjet bankës.
Sipas tij arsyeja që ato protestojnë është se kërkojnë rritjen e pagës sipas ligjit të ri të Janarit ku paga minimale është 32.000 lek te reja. Ai është shprehur se do të merren masa për të respektuar ligjin ditët në vijim.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
