Presidenti i Bjellorusisë, Aleksandër Lukashenko, vijon të kundërshtojë zërin e fuqishëm të protestuesve.
“Nuk do të ketë zgjedhje të reja derisa të më vrisni”, është shprehur kreu i shtetit.
Këto komente, Lukashenko i bëri ndërsa vizitoi një fabrikë në Minsk, gjatë së cilës u kritikua nga një grup punëtorësh që thërrisnin njëzëri “largohu!”.
Kjo është një tjetër shenjë që mbështetja për liderin në pushtet prej 26 vitesh, po bie.
Protestat masive dhe grevat kundër Lukashenkos nisën pas zgjedhjeve presidenciale të 9 gushtit, të cilat u konsideruan nga vëzhguesit e pavarur dhe opozita si të pandershme dhe jo të lira.
Votimi i 9 gushtit është kritikuar edhe nga një pjesë e madhe e komunitetit ndërkombëtar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
