Patriarku i Kishës Ortodokse Ukrainase, Filaret që akuzoi homoseksualët se ishin përgjegjës për pandeminë Covid-19, doli pozitiv me koronavirus.
Lajmi është publikuar nga Kisha Ortodokse, e cila përmes një deklarate të shkurtër për mediat shpjegoi se “patriarku i nderit, 91-vjeç” u shtrua në spital dhe se gjendja e tij shëndetësore është e qëndrushme, duke ftuar besimtarët të luten për shërimin e tij.
Në muajin mars, Filaret përmes një fjalimi publik akuzoi homoseksualët se ishin ata shkaktarët e pandemisë, e cila erdhi si një ndëshkim hyjnor për organizimin e martesave gay.
Një akuzë e tillë erdhi pas deklaratës së pastorit amerikan, Rick Wiles dhe rabinit Mei Mazuz, të cilët përdorën pandeminë për të dënuar homoseksualët, duke i bërë ata përgjegjës për përhapjen e virusit Covid-19 në botë.
Për më tepër, Filaret, bëri thirrje se edhe gjatë karantinës, besimtarët mund të komunikonin, pasi forca e Zotit nuk do ta lejonte infektimin e tyre.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
