Varianti Omicron, i identifikuar në nëntor 2021 dhe dominues në mbarë botën në vetëm disa muaj, mund ta ketë origjinën tek minjtë. Konkluzioni del nga një studim i kryer nga studiues në Universitetin e Minesotës dhe të publikuar në revistën e Akademisë Kombëtare të Shkencave të SHBA (PNAS).
Omicron tërhoqi menjëherë vëmendjen e studiuesve për shkak të numrit të lartë të mutacioneve (rreth 50) që karakterizojnë gjenomin e tij në krahasim me variantet e mëparshme. Kjo karakteristikë i jep, ndër të tjera, një përhapje të menjëhershme dhe aftësi për të shmangur përgjigjen imune.
"Hipotezat mbi origjinën e Omicron janë të shumta, por provat eksperimentale janë ende të pakta", thonë autorët e hulumtimit, të cilët u përpoqën të rindërtonin origjinën e mundshme të variantit duke studiuar korrespondencën midis strukturës së një pjese të Spike proteina Omicron (i ashtuquajturi domen lidhës i receptorit ose RBD) me atë të receptorëve ACE të njeriut dhe të miut.
Duke u fokusuar në katër mutacione tipike të Omicron, ekipi zbuloi se njëri prej tyre (N501Y) është rezultat i përshtatjes me strukturën e receptorit ACE të njeriut dhe të miut. Tre të tjerat (Q493R, Q498R, Y505H) janë rezultat i përshtatjes vetëm në miun.
Për ekipin, bazuar në këto të dhëna, hipoteza më e mundshme për origjinën e Omicron është se "një variant i SarsCov2 që përmban mutacionin N501Y mund të ishte transmetuar nga një specie njerëzore (ose një specie tjetër kafshe) te minjtë". Në atë pikë, varianti i ri u përhap te brejtësit ku "mutacionet e RBM specifike të miut (të tilla si Q493R, Q498R dhe Y505N) evoluan." Së fundi, nga minjtë, varianti është rikthyer te njerëzit, duke u bërë në më pak se një vit përgjegjës për pothuajse të gjitha rastet e Covid-19 në botë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
