Virusi COVID-19 i ka marrë jetën një tjetër mjeku në vendin tonë. Betejën me virusin e ka humbur doktor Ilirjan Draçi, i cili ka shërbyer si mjek dhe drejtues në Poliklinikën e Specialiteteve Nr.1.
Lajmi për ndarjen e tij nga jeta e ka dhënë ministrja e Shëndetësisë Ogerta Manastirliu, e cila nëpërmjet një postimi në Facebook shkruan se mjeku do të mungojë në radhët e tyre.
“Dr. Ilirjan Draçi ishte mjeku që me profesionalizëm e përkushtim i shërbeu komunitetit të banorëve të Tiranës për vite e vite me rradhë si mjek dhe drejtues në poliklinikën e specialiteteve nr.1. Dr. Ilirjani nuk ia doli në betejën me virusin e pabesë me gjithë përpjekjet e mëdha të kolegëve në spitalin Infektiv. E trishtuar nga kjo humbje e madhe për të gjithë ne. Do na mungojë shumë energjia e pashtershme dhe shpirti i sakrificës së një mjeku model, qytetari të mirë dhe drejtuesi të zotë. U prehsh në paqe dr. Draci Ne do ta fitojmë luftën ndaj këtij armiku të padukshëm të gjithë bashkë!”, shkruan Manastirliu.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
