Stina e nxehtë shoqërohet shpesh me viroza, të cilat prekin jo vetëm të vegjlit, por edhe të rriturit. Qamil Dika, pedagog i shëndetit publik, tha në studion e MCN Informacion se konsulta me mjekun menjëherë sapo shfaqen simptomat e para, është e domosdoshme.
Shpesh ne përballemi me shprehjen sa të bëhem mirë, do të shkoj të konsultohem me mjekun. Shpesh ngatërrohet viroza e stinës me një ftohje nga kondicioneri. Ne këmbëngulim që pavarësisht simptomave të lehta në dukje, të paraqiten te mjeku. Kontakti i shpejtë me mjekun krijon lehtësi. Por nuk duhen neglizhuar edhe kontrollet e herëpashershme. Duhet pasur parasysh monitorimin e parametrave, ps.sh. një anemi e theksuar, e cila mund të rëndohet.
Dika tha se kujdes i veçantë duhet bërë me fëmijët, për të shmangur kopmlikacionet shëndetësore që mund të vijnë si pasojë e temperaturave të larta.
Fëmijët janë në një moment relaksi nga shkolla. Por duhen respektuar disa parime bazike të hidrimit. Mbrojtja nga rrezet e diellit është detyrim që duhet ta respektojmë të gjithë, të rritur e të vegjël. Frekuentimi i pishinave është një nga elementët e rëndësishëm. Ata që kanë kaluar një virozë duhet të rrinë larg pishinës dy javë. Nuk është gjithçka në ndërgjegjen e strukturave akomoduese.
Fëmijët e vegjël nuk duhen lënë as në çadër në pikun e vapës. Ka një orar specifik dhe mund të rikthehen kur rrezet e dëmshme janë larguar. Frekuentimi nga ora 06:00 – 10:00 është i domosdoshëm. Por duhet të jemi të kujdesshëm me parametrat e imunitetit dhe me kohën kur duhet të adresohemi te mjeku dhe të mos bëjmë një rutinë shqiptare.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
