Katër viktima dhe 162 persona të infektuar me koronavirus janë regjistruar të enjten në Maqedoninë e Veriut.
Sipas raportit të publikuar, viktimat janë tre persona nga Shkupi të moshë 55, 80 dhe 81 vjec dhe një tjetër nga Shtipi, i moshës 81 vjeçare.
Numri i përgjithshëm i viktimave ka arritur në 743.
Ministria e Shëndetësisë ka njoftuar se mbi 200 persona të sëmurë me COVID-19 janë duke marrë terapi nga qelizat e tyre amë që sipas mjekëve të klinikës së hematologjisë dhe sëmundjeve infektive po japin rezultate në përmirësimin e gjendjes së tyre shëndetësore.
Instituti i Shëndetit Publik të enjten ka regjistruar 109 persona të shëruar.
Numri i përgjithshëm i personave të diagnostikuar me COVID-19 në Maqedoninë e Veriut ka arritur në 18.138 nga të cilët 15.068 persona janë shëruar, 2.327 raste ende janë aktive.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
