Besimtarët ortodoksë do të kremtojnë në mesnatë meshën për ringjalljen e Krishtit, e cila për shkak të situatës së koronavirusit, do të bëhet pa njerëz.
Ritet fetare do të kryehen në shtëpi, duke e ndjekur meshën online, pikërisht ashtu sicc vepruan edhe katolikët një javë më parë.
Për herë të parë në Korçë, sonte, nuk do të ketë asnjë turist, teksa vitet e kaluara qyteti gumëzhinte nga lëvizjet.
Kur i referohemi festës së Pashkëve Ortodokse në mendje na vjen veza e kuqe, buka e ëmbël, flaka e shenjtë, dhe mishi i qingjit. Vezët janë simbol i jetës, ndërsa ngjyra e kuqe simbolizon sakrificën e Jezu Krishtit, që është e mbyllur dhe e përgjumur brenda lëvozhgës së saj, ndërsa ngjyra e kuqe e vezëve simbolizon sakrificën dhe në rastin konkret, sakrificën e Krishtit, simbolikë e fitores, gëzimit dhe jetës.
Pjesë tjetër e traditës së Pashkës Ortodokse është buka e pashkës, ku vendoset veza e kuqe në mes, e cila duke qenë e ëmbël shpreh kuptimin e ëmbëlsisë dhe lumturisë të cilat i përmbajnë fjalët e Zotit dhe lutjet e besimtarëve. Zakonisht në traditën ortodokse vezët ngjyrosen ditën e enjte para Pashkëve dhe konsumohen ditën e diel ose në ditët në vazhdim.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
