8 Prilli është Dita Ndërkombëtare e Romëve, e caktuar nga Kongresi Botëror i Romëve në vitin 1971 dhe shërben si një kujtesë për të gjithë vlerat dhe historinë e kulturën e komunitetit Rom.
Ministria e Shëndetësisë dhe Mbrojtjes Sociale në bashkëpunim me Këshillin e Evropës dhe përfaqësinë e Delegacionit Europian në Tiranë organizojnë Dialogun për Integrimin e Romëve, për të evidentuar arritjet e deritanishme në zbatim të Deklaratës së Poznanit dhe për të mundësuar një dialog të hapur me shoqërinë civile.
Në një postim në rrjetet sociale, ministrja e Shëndetësisë dhe Mbrojtjes Sociale, Albana Koçiu, shkruan se, Shqipëria si një vend nënshkrues i kësaj deklarate, është plotësisht e përkushtuar për përmbushjen e objektivave të Deklaratës së Poznanit, duke ofruar mbështetjen e duhur dhe duke promovuar përfshirjen e pakicave kombëtare rome dhe egjiptiane në të gjitha sferat e shoqërisë
Në një video të shpërndarë në rrjet, mes të tjerash vjen shembulli i një zonje rome, nënë e 5 fëmijëve, e cila falë mbështetjes së qeverisë dhe biznesit ka një punë të qëndrueshme që i sjell të ardhurat për familjen.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
