Pasditen e djeshme zona e Vlorës u përfshi nga një përkeqësim i fortë i motit dhe erë e furishme.
Gazetarja Arjola Hasanaj, raportoi për “MCN Live” se në plazhin e Radhimës pushuesit u detyruan të largohen me nxitim nga bregdeti, për shkak të shiut dhe erës së fortë.
Largimi i pushuesve shkaktoi dhe një trafik të rënduar në aksin Radhimë-Vlorë.
Problematika pati dhe në zonën e Lumit të Vlorës, ku era e fortë dhe lumi shkaktoi marrjen e disa orendive që ndodheshin jashtë bizneseve, si karrige dhe pajisje të tjera.
Problematika dhe në Himarë ku ka patur reshje intensive shiu dhe këto reshje shkaktuan grumbullime të mëdha uji.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
