Zak Topuzi, kreu i Shoqatës së Operatorëve Turistikë tha në studion e MCN Live se gjatë muajit korrik rezervimet në Booking për Tiranën pësuan një rënie dyshifrore.
Qershori ka pasur rënie, në kuptimin jo rritje, 1.3-1.5%. Mesatarja është 6-7%. Pati një rritje të 3 mujorit të dytë. Problemet që ndodhën në qershor e ulën mesataren.
Nuk është çudi e madhe se je vend delikat, mezi ke arritur një farë stabiliteti. Një javë parë, përfaqësuesja e Booking tonë, është kroate me kontaktoi dhe tha që Tirana në rezervimet e korrikut, ka rënie me dy shifra. Tirana është vendi ku kalojnë 50-55% e turistëve shqiptarë, është aeroporti i vetëm. Lëvizja e të huajave nuk është vetëm deti, por nga veriu në jug, Tiranën e kanë stacionin bazë.
Rritëm 40% çmimin e paketave, pa ndryshuar standardin.
Pano Soko, ekspert ekonomie tha nuk është protesta arsyeja pse ka rënie të turistëve. Sipas Sokos, një nga problemet më të mëdha për vendin tonë është humbja e turistëve nga Kosova.
Halli i Gonxhes nuk është turizmi, është pushteti. Mund t’ ja vendosim fajin dhe protestës, por s’është aty problemi. Kemi humbur turistin kosovar. Edhe për shkak të vizave. Ata i janë drejtuar Greqisë. E dyta që na ka dëmtuar avantazhi krahasues që kemi pasur, çmimet e lira. Euro është problem i madh, ne e humbën avantazhin tonë. Kemi vetëm 1% të infrastrukturës të përshtatur për turizëm elitar. Ne kemi turizëm çmimi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
