“Është tepër i mbipopulluar dhe do të mbyllet përkohësisht”.
Ky është vendimi i Bashkisë së Durrësit për tregun agro-bujqësor të qytetit, ku sipas autoriteteve dyndja e klientëve e rrezikonte të shndërrohej në vatër të koronavirusit.
Nga ana e tyre tregtarët u shprehën se nuk kishin marrë asnjë njoftim lidhur me vendimin për mbyllen e tregut.
Ata kërkuan të ushtrojnë aktivitetin e tyre ose në të kundërt të qëndrojnë në shtëpi dhe t’i paguajë shteti.
Tregtia e produkteve tashmë do të shpërndahet në tre pika, më të menaxhueshme nga policia bashkiake dhe forcat e tjera të rendit.
Bëhet fjalë për pikën që do të ngrihet tek Muzeumi i Dëshmorëve, ai tek stadiumi “Niko Dovana” dhe në rast kërkese, parkingu i shkollës së muzikës “Jan Kukuzeli”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
