Me rastin e festave të fundvitit, ministrja e Mbrojtjes Olta Xhaçka vizitoi një nga hotelet e zonës së Golemit, ku janë strehuar familjet e prekura nga tërmeti. Me këtë rast, fëmijët e ushtarakëve, të cilët ndjekin kurset e artit dhe të sportit pranë Ministrisë së Mbrojtjes, sollën buzëqeshje në fytyrat e fëmijëve të prekur nga tërmeti, dke shpërndarë dhurata për ta.
Ministrja e Mbrojtjes, Olta Xhaçka njoftoi se procesi për rindërtimin e shtëpive të dëmtuara ka nisur e së afërmi fëmijët dhe familjet e tyre do të kenë një strehë të re.
“E lumtur që bashkë me fëmijët e ushtarakëve, të cilët ndjekin kurset e artit dhe të sportit pranë Ministrisë së Mbrojtjes, sollëm buzëqeshje në fytyrat e fëmijëve të prekur nga tërmeti, një pjesë e të cilëve janë strehuar në një nga hotelet e zonës së Golemit.”
Artistët e vegjël kishin përgatitur një program festiv për bashkëmoshatarët e tyre, ndërsa djemtë e futbollit i dhuruan topa shumë prej fëmijëve.
Me ta u bashkuan edhe nxënës të shkollës “Edith Durham”, të cilët shpërndanë pako me dhurata dhe materiale shkollore për fëmijë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
