Derek Chauvin, oficeri i policisë në Minneapolis, i cili shtrëngoi me gju, në qafë, George Floyd për rreth nëntë minuta para se të vdiste është përfitues i pensionit prej 1 milion dollarë.
‘’As bordi dhe as stafi ynë nuk kanë të drejtë të rrisin, ulin, mohojnë ose revokojnë përfitimet, “tha një zëdhënëse e Shoqatës së Punonjësve të Pensionit të Punonjësve Publikë në Minesota.
Pavarësisht se si ose përse largohet një oficer, ata mbesin të ligjshëm për përfitimet e ardhshme.
44-vjeçari Chauvin mund të fillojë të marrë një shumë rreth 50,000 dollarë në vit pas moshës 55 vjeç. Këto përfitime financohen nga taksapaguesit, punëtorët dhe të ardhurat e investimeve.
Chauvin është akuzuar për vrasje të shkallës së tretë dhe të dytë dhe pritej të pranonte fajësinë, por marrëveshja u prish, sipas raportit të ABC News.
Pensionet e sigurisë publike janë të mëdha dhe përbëjnë një pjesë të konsiderueshme të buxheteve lokale dhe shtetërore për policinë.
Këto pensione me gjasë mund të shndërrohen në pikën e nxehtë të debatit, veçanërisht duke marrë parasysh faktin se Derek Chauvin, i cili mund të shpallet fajtor për vrasje, do t’a përfitojë një pension të tillë dhe pa ndonjë ndryshim ligjor.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
