Në tërë Shqipërinë, ka filluar shpërndarja e ndihmave për të gjitha shtresat në nevojë, që në këtë situatë të vështirë të marrin shërbimet e përditshme brenda banesave të tyre, pa dalë nga shtëpia.
Kryeminsitri Edi Rama përcolli sot pamje nga shpërndarja e ndihmave për familjet më në nevojë dhe pensionistët e vetmuar nga Forcat e Armatosura dhe bashkitë në disa qytete të vendit, si Pukë, Kamëz, Gjirokastër, Kavajë, Kukës, Vau i Dejës, Delvinë, Divjakë, Sarandë, Lezhë.
Kjo ndihmë për këta banorë vjen në kuadër të masave të marra nga qeveria për të parandaluar përhapjen e koronavirusit COVID-19 në vendin tonë.
“Ndihmuam sot mijëra familje të tjera, bëni durim, ju lutem durim, askush nuk do mbetet pa ndihmë! besim e durim!.
“Asnjë fukara, asnjë pensionist i vetmuar nuk do të mbetet pa ndihmat bazë, deri në fund!”, tha Rama.
Ndërsa, theksoi kreu i qeverisë, “kush ushqen edhe I-phone, të mos i harxhojë bateritë për t’u ankuar në emër të popullit, po le të inkurajojë forcat e operacionit humanitar nëse nuk rri dot pa komentuar!”.
Ministrja e Mbrojtjes, Olta Xhaçka ka falenderuar punën e forcave ushtarake që ndihmojnë në shpërndarjen e pakove ushqimore për familjet e varfra dhe pensionistët në të gjithë vendin.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
