Autoriteti Kombëtar i Ushqimit Shkodër ka bllokuar një kamion me 25 ton misër që vinte nga Serbia. Bllokimi u bë në doganën e Hanit të Hotit teksa kamioni ishte duke hyrë drejt Shqipërisë nga Mali i Zi.
Shkak është bërë prania në sasinë e misrit të aflatoksinë B1 e cila ka dalë mbi normat e lejuara për Shqipërinë.
Në këtë mënyrë Autoriteti Kombëtar i Ushqimit në Shkodër ka bërë bllokimin e sasisë prej 25 ton të misrit që po vinte nga Serbia.
Destinacioni final ishte qyteti i Elbasanit ndërsa bëhet fjalë për misër blegtoral.
Ndërkohë bëhet e ditur se AKU Shkodër ka bllokuar edhe një fermë qumështi në fshatin Trush të bashkisë Shkodër për shkak të disa parregullsive të gjetura atje.
Aflatoksina është një toksinë e krijuar nga myku që rritet tek drithërat. Ushqimi i kafshëve i infektuar me alfatoksinë nuk rrezikon vetëm shëndetin e bagëtive të imta dhe të lopëve, por mund të ketë pasoja edhe për njerëzit, pasi toksina depozitohet dhe tek qumështi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
