Një numër i madh qytetarësh shqiptarë dëshirojnë të largohen nga vendi. Tregues për këtë nuk është vetëm numri i lartë i aplikimeve për Lotarinë Amerikane.
Hapja e Gjermanisë vitet e fundit për të pritur profesionistë të ndryshëm është parë nga shumë qytetarë si një mundësi e mirë për t’u larguar nga vendi.
Nuk janë vetëm mjekët dhe infermierët ata që pasi mësojnë gjermanishten dhe sigurojnë një kontratë pune, nisin rrugëtimin drejt shtetit më të fuqishëm të Europës.
Edhe profesionistë të tjerë apo të rinj që përfundojnë studimet zgjedhin Gjermaninë për të jetuar e studiuar.
Disa foto të realizuara nga LSA tregojnë radhët e gjata në pritje të procedurave për vizë në Ambasadën Gjermane në Tiranë. Mes njerëzve që presin në radhë dominojnë të rinjtë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
