Maturantët kanë mundësinë që mes datave 29 korrik - 3 gusht, 2021 do të përzgjedhin degët e studimit në universitet sipas listës së tyre të preferencës.
Përmes një postimi në rrjetin e saj social Facebook, Ministrja e Arsimit, Sportit dhe Rinisë Znj. Evis Kushi u është drejtuar me një mesash atyre për përzgjedhjen e degëve të preferuara.
Kushi bën me dije se maturantët mund të zgjedhin preferencat e tyre nëpërmjet portalit “U-Albania”.
“Të dashur maturantë! Ndërkohë që prej kohësh keni nisur përgatitjet për studimet e larta, ka ardhur momenti që të zgjidhni degët sipas listës tuaj të preferencës mes datave 29 korrik – 3 gusht nëpërmjet portalit “U-Albania”, shkruan ajo ndërsa shpreh besimin se ata do të bëjnë zgjedhjen e duhur duke u bazuar në talentin e pasionin e tyre, por edhe nevojat dhe perspektivat e tregut të punës. Ju sugjeroj të informoheni dhe konsultoheni sa më mirë për çdo detaj që lidhet me kriteret e pranimit dhe procedurat e regjistrimit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
