Shoqatat e ish-të përndjekurve politik protestuan ndaj krimeve të komunizmit dhe personave të zhdukur, varri i të cilëve nuk dihet as sot.
Me një banderolë në duar, ata u vendosen për disa minuta përpara selisë së PD-së.
“4500 të vrarë nga diktatura enveriste u janë zhdukur kufomat. Në shenjë vlerësimi për dhënien e jetës së tyre të pafajshme në mbrojtje të lirisë kërkojmë ndërtimin e parcelës kombëtare në Tiranë me emrat e të zhdukurve. Martirët nuk harrohen”, shkruhet në banderolë.
Kujtojmë se në 28 vite "demokraci funksionale" nuk kemi dëgjuar një rast të vetëm kërkim falje as nga ata që ishin në pushtet deri në vitin 1991, as nga pasardhësit e tyre në politikë.
Shoqëria shqiptare përgjatë këtyre viteve ka qenë dëshmitare e mohimit publik të së kaluarës dhe të shfaqjes po aq publike të simboleve komuniste në përvjetorë të ndryshëm.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
