Nxënësive që ndjekin arsimin fillor nga klasa e parë deri në klasën e katërt do t’u jepen tekstet shkollore në përdorim falas.
Ky vendim është marrë nga qeveria në mbledhjen e sotme, ku thuhet se çmimi i blerjes së teksteve shkollore mbulohet 100% nga fondet e buxhetit të shtetit, miratuar për ministrinë përgjegjëse për Arsimin.
Pas vendimit të Këshillit të Ministrave, këto familje do të mund t’i marrin librat për fëmijët e tyre falas. Brenda çdo muaji korrik të vitit, ministria do të përgatisë listën e parashikuar të nxënësve që ndjekin arsimin fillor.
Faktikisht ky propozim ka ardhur më herët, që në qershorin e vitit të kaluar, në kohën kur opozita e PD dhe e LSI-së premtonin që nëse vinin në pushtet, librat për sistemin e detyrueshëm shkollor do të jepeshin falas (nga klasa parë në të 9-tën).
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
