Studentëve të huaj do t'u kërkohet të largohen nga Shtetet e Bashkuara nëse mësimi në shkollën e tyre do të jepet plotësisht online, ka njoftuar të hënën agjencia amerikane e emigracionit dhe e doganave (ICE) në Amerikë.
Ndërkohë që ende nuk është bërë me dije numri i saktë i studentëve që mund të preken nga kjo politikë e re e institucioneve amerikane, ajo që dihet qartësisht është se studentët e huaj janë një burim kryesor i të ardhurave për shumë universitete amerikane, pasi ata shpesh paguajnë shkollim të plotë.
ICE tha se studentët e huaj duhet të largohen nga vendi, në të kundërt do të përballen me procedurat e deportimit.
Kolegjet dhe universitetet kanë filluar të shpallin planet për semestrin e vjeshtës 2020 në mes të pandemisë së vazhdueshme të koronavirusit. Universiteti i Harvardit të hënën njoftoi se do të zhvillojë mësimin e kurseve në internet për vitin akademik 2020-2021.
Udhëzimi i ICE vlen për mbajtësit e vizave F-1 dhe M-1, të cilat janë për studentët, akademikët dhe profesionistët. Departamenti i Shtetit lëshoi 388.839 viza F dhe 9,518 M viza në vitin fiskal 2019, sipas të dhënave të agjencisë.
Udhëzimi nuk prek studentët që marrin mësime personale. Ai gjithashtu nuk ndikon në studentët F-1 që marrin një ngarkesë të pjesshme në internet, për sa kohë që universiteti i tyre vërteton se kurrikula nuk është plotësisht dixhitale.
Administrata e Presidentit Donald Trump ka vendosur një numër kufizimesh të reja për emigracionin legal dhe ilegal gjatë muajve të fundit duke përfituar për shkak të pandemisë koronavirus.
Në qershor, administrata pezulloi vizat e punës për një numër të gjerë të punëtorëve jo-emigrantë për të cilët argumentonte se konkurrojnë me qytetarët e SHBA për punë. Administrata gjithashtu ka pezulluar në mënyrë efektive pranimin e azilkërkuesve në kufirin jugor me Meksikën, duke përmendur si justifikim rreziqet shëndetësore të lidhura me koronavirusin. Duket se Trump po realizon politikat e tij të së djathtës ekstreme, që përfshihen në identitetarizëm, duke i justifikuar ato me situatat e krijuara nga pandemia.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
