Një muaj pas miratimit të ligjit që i jepte kryeministrit hungarez Viktor Orban kompetenca të plota, Parlamenti i Budapestit e ka refuzuar ratifikimin e Konventës së Stambollit për të mbrojtur gratë nga dhuna, pasi për qeverinë do të promovonte një ideologji shkatërruese në marrëdhëniet gjinore dhe emigracionin e paligjshëm.
“Qasja e tij ideologjike është në kundërshtim me ligjin hungarez dhe besimin e qeverisë”, tha deputeti demokristian Lorinc Nacsa, një aleat i koalicionit me partinë Fidesz të Orban, para Kuvendit.
Parlamenti dhe qeveria hungareze kanë përfaqësimin më të ulët të grave në BE, por Fidesz beson se të gjitha garancitë për sigurinë e grave, tashmë janë parashikuar në ligj.
Ratifikimi i Konventës, nënshkruar nga Budapesti në vitin 2014-të, e detyron Hungarinë të japë azil për refugjatët e përsekutur në vendin e tyre të origjinës për shkak të orientimit seksual ose gjinor.
Megjithatë, ky është një hap i pakonceptueshëm për një qeveri që ka zhvilluar një luftë kundër emigracionit të paligjshëm dhe komuniteteve transgjinor.
Këshilli i Europës në vitin 2011 ka miratuar “Konventën e Stambollit”, e cila konsiderohet si një nga mekanizmat e parë ndërkombëtar që ka vendosur standard ligjërisht detyrues për të gjitha vendet që e kanë nënshkruar atë, me qëllim parandalimin e dhunës me bazë gjinore.
Dështimi për t’u zbatuar është veçanërisht serioz në një kohë kur, për shkak të masave të vendosura të bllokimit si pasojë e krizës së koronavirusit, dhuna në familje është trefishuar dhe është bërë gjithnjë e më e vështirë raportimi i saj, pasi gratë shpesh jetojnë nën një çati me dhunuesin e tyre.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
