Një vaksinë që shkakton përgjigje imune ndaj një spektri të gjerë të llojeve dhe nëntipeve të virusit të gripit ka prodhuar rezultate të forta dhe të qëndrueshme në provat klinike të fazave të para. Vaksina universale e virusit të gripit, e cila prodhon antitrupa që synojnë pjesën e proteinave sipërfaqësore të virusit të gripit që dihet se neutralizon shtame të ndryshme të gripit, përshkruhet në një studim të botuar sot në revistën “Nature Medicine”. Kjo vaksinë bazohet te hemaglutininina (HA) dhe ka potencialin të sigurojë mbrojtje jetëgjatë me dy ose tre imunizime, duke eliminuar nevojën për rivaksinim.
"Një vaksinë e virusit të gripit që rezulton në imunitet të gjerë, ka të ngjarë të mbrojë kundër çdo nëntipi ose lloji të shfaqur të virusit të gripit dhe do të rrisë ndjeshëm gatishmërinë tonë pandemike, duke shmangur problemet e ardhshme me pandemitë e gripit, siç i shohim tani me COVID-19", thotë Florian Krammer, profesor i Mikrobiologjisë në Shkollën e Mjekësisë Icahn në Mount Sinai, dhe autori i studimit.
Gripi sezonal është shqetësim i madh për shëndetin publik, pasi shkakton deri në 650 000 vdekje çdo vit në rang global, sipas Organizatës Botërore të Shëndetësisë. Përveç kësaj, pandemitë e gripit, të ngjashme me shpërthimin aktual të COVID-19, ndodhin në intervale të çrregullta dhe mund të marrin miliona jetë. Shembulli më shkatërrues është pandemia e H1N1 e vitit 1918, e cila shkaktoi afërsisht 40 milionë vdekje. Vaksinat e virusit të gripit - arma më e mirë parandaluese në arsenalin e shëndetit publik kundër gripit sezonal - përmbajnë tre ose katër lloje të virusit të gripit që i përgjigjen viruseve që qarkullojnë në popullatën njerëzore.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
