Kosova nga nesër do aplikojë masa të reja shtesë për të frenuar përhapjen e epidemisë së koronavirusit në vend.
Lajmi është konfirmuar nga ministri i Shëndetësisë në Kosovë, Arben Vitia, i cili lajmëroi vendosjen e masave të reja që pritet të zgjasin deri më 4 maj.
Disa prej këtyre masave, parashikojnë mbajtjen e detyruar të maskës për të gjithë ata persona që dalin në rrugë.
Ndër të tjera, ministri tha se do të ndalohet dalja e qytetarëve nga banesat, përveç rasteve kur ata, përmes lejeve, të cilën do t’a ketë të drejtën të aplikojë vetëm një pjesëtar i familjes, i cili do furnizohet me mallra ushqimorë ose produkte të tjera bazike.
Sipas tij, kufizimet e tjera, parashikojnë ndalimin e daljes në rrugë edhe për personat mbi 65-vjeç.
Kosova ka shënuar 362 persona të prekur deri më tani me Covid-19, ka raportuar 59 të shëruar dhe 8 viktima.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
