Në zonat veriore të vendit janë rikthyer reshjet e dëborës, kryesisht në zonën e Tropojës dhe Valbonës. Kalimi në aksin rrugor Bajram Curri-Valbonë është vështirësuar, ndërsa Autoriteti Rrugor Shqiptar u ka bërë apel qytetarëve të bëjnë kujdes gjatë qarkullimit me makinë.
“Në aksin Bajram Curri-Valbonë ka pasur reshje bore pa sjellë probleme me qarkullimin. Mjetet borëpastruese janë në terren duke bërë pastrimin e plotë të aksit.
Drejtuesit e mjeteve duhet të bëjnë kujdes në lëvizje për shkak të lagështisë në rrugë dhe të respektojnë sinjalistikën rrugore të reduktojnë shpejtësinë, të pajisen me zinxhirë dhe goma dimërore për në zonat malore të ndjekin udhëzimet e Policisë Rrugore”, thuhet në postimin e ARRSH.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
