Aksi rrugor Qafë e Thores-Theth është bërë i kalueshëm. Autoriteti Rrugor Shqiptar bën të ditur se është hera e parë që kjo rrugë është e hapur në këtë periudhë të vitit. Në këtë aks ka prani të shumtë dëbore, pasi reshjet kanë qenë intensive si pasojë e temperaturave të ulëta.
ARRSH bën të ditur se rruga tashmë është e hapur dhe turistët vendas e të huaj mund të vizitojnë fshatin Theth. Megjithatë, bëhet thirrje që drejtuesit e mjeteve të tregojnë kujdes dhe gjatë udhëtimit të reduktojnë shpejtësinë e të pajisen me zinxhirë e goma dimërore.
Njoftimi i ARRSH:
Hapet për qarkullimin e mjeteve rruga Qafa e Thores-Theth. Për herë të parë në këtë periudhë u hap rruga nga Qafa e Thores deri në Theth, një aks me terren të vështirë malor, me lartësi mbi 1800 metra mbi nivelin e detit, dendësia e borës arrin deri në 4 metra. Temperaturat e ulëta dhe rënia e herëpashershme e ortekëve e kanë bërë edhe më të vështirë punën e mjeteve borëpastruesve dhe të punëtorëve. Tashmë ia dolëm dhe mund ta vizitoni fshatin turistik, antik, Thethin pa probleme me qarkullimin. Drejtuesit e mjeteve të bëjnë kujdes gjatë udhëtimit, të respektojnë sinjalistikën, të reduktojnë shpejtësinë, të pajisen me zinxhirë dhe goma dimërore.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
