Demokratja Albana Vokshi postoi një disa fotografi të testit të matematikës për maturantët. Ajo bëri me faj për daljen e tezave ministren e Arsimit, Besa Shahini.
Ish-deputetja kërkoi nga Shahini që të mbajë përgjegjësi, ndërsa tha me ironi se situatën do të kontrollonte më mirë Turi, personazhi i testit të Gjuhë-Letërsisë.
“Edhe testin e matematikës opozita e nxori? U tha me bujë të madhe nga Ministrja e Arsimit, Besa Shahini, se testi i matematikës është hermetik se janë marre masa të mos dalë dhe të tjera broçkulla si këto. Ka 3 ditë që për të mbuluar dështimin e saj, sulmon opozitën, por prapë dështoi.
Thirri mësuesit në oborrin e shkollës, duke rrezikuar shëndetin e tyre për të bërë shoë me masat gjoja të forta antikopjim, u hoqi celularët, i detyroi të firmosin deklarata për pushim nga puna, në rast të shkeljes së rregullave dhe çfarë bëri? Asgjë! Turi mund t’ia kishte dalë mbanë kësaj situate më mirë sesa e dështuara Besa Shahini dhe shefi i saj Edi Rama.
Testi i matematikës është zbuluar dhe Besa Shahini duhet të mbajë përgjegjësi”, tha Vokshi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
