Autoriteti Portual Durrës, njofton pezullimin e përkohshëm të lundrimeve nga Durrësi drejt Barit, sot dhe nesër, 30 dhe 31 mars, si pasojë e motit të keq që pritet të përfshijë rajonin e Adriatikut.
Pas marrjes së njoftimit nga Drejtoria e Përgjithshme Detare mbi përkeqësimin e motit, Autoriteti Portual Durrës njofton se janë në komunikim të vazhdueshëm me Kompanitë e trageteve, për njoftimin në kohë të udhëtarëve që kanë rezervuar udhëtimin e tyre.
Kapiteneria e Portit të Durrësit sqaron se si rezultat i erërave të forta me drejtim Jug-Jugperëndim dhe Jug-Juglindje në datën 30 mars 2022 deri më datën 1 prill 2022 moti në gjithë bregdetin shqiptar do të jetë i paqëndrueshëm.
Shpejtësia e erës do të shkojë deri në 20m/s , lartësia e dallgës së detit arrin në 2.50 deri 4.00 dhe forca e detit shkon 5-6 deri 7-8 ballë, duke u bërë pengesë për lundrimin e trageteve .
Kushtet e motit përmirësohen në datën 1 prill 2022, pas orës 22:00.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
