Një studim i kryer së fundmi me popullatën në Islandë ka dalë në përfundimin se pas përballjes me Covid-19, antitrupat mbeten në organizëm deri në katër muaj pas diagnozës. Autorët kanë matur antitrupat në mostrat e serumit nga 30,576 persona në Islandë, duke përdorur gjashtë analiza (përfshirë dy analiza pan-imunoglobuline [pan-Ig]), dhe kanë përcaktuar që masa e duhur e seropozitivitetit ishte një rezultat pozitiv me të dy analizat pan-Ig. Ata testuan 2102 mostra të mbledhura nga 1237 persona deri në 4 muaj pas diagnozës nga një analizë sasiore e reaksionit zinxhir polimerazë (qPCR). Janë matur antitrupat në 4 222 persona në karantinë, të cilët kishin qenë të ekspozuar ndaj SARS-CoV-2 dhe në 23 452 persona që nuk dihet të jenë ekspozuar.
Rezultate
Nga 1797 personat që ishin shëruar nga infeksioni SARS-CoV-2, 1107 nga 1215 që u testuan (91.1%) ishin seropozitivë; titrat e antitrupave antiviralë të analizuar nga dy analiza pan-Ig u rritën gjatë 2 muajve pas diagnozës nga qPCR. Nga personat në karantinë, 2.3% ishin seropozitivë; nga ata me ekspozim të panjohur, 0.3% ishin pozitivë. Autorët vlerësojnë se 0.9% e Islandës ishin të infektuar me SARS-CoV-2 dhe se infeksioni ishte fatal në 0.3%. Ata gjithashtu vlerësojmë se 56% e të gjithë infeksioneve SARS-CoV-2 në Islandë ishin diagnostikuar me qPCR, 14% kishin ndodhur në persona në karantinë, të cilët nuk ishin testuar me qPCR (ose që nuk kishin marrë një rezultat pozitiv, nëse u testua), dhe 30% kishin ndodhur në persona jashtë karantinës dhe jo të testuar me qPCR.
Konkluzione
Rezultatet e studimit tregojnë se antitrupat antiviralë kundër SARS-CoV-2 nuk u zvogëluan brenda 4 muajve pas diagnozës. Autorët vlerësuan se rreziku i vdekjes nga infeksioni ishte 0.3% dhe se 44% e personave të infektuar me SARS-CoV-2 në Islandë nuk ishin diagnostikuar nga qPCR.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
