Marshim në Shkodër kundër vrasjes se policit dhe përdorimit të drogës nga të rinjtë

Të rinj të qytetit të Shkodrës zhvilluan një marshim paqësor si një shenjë sensibilizimi pas vrasjes së efektivit të policisë në Lezhë Saimir Hoxha.

Marshimi që nisi nga fillimi i pedonales pranë bashkisë u organizua nga koalicioni DMA ndërsa të rinjtë dhanë mesazhin e tyre jo vetëm për punonjësit e policisë, por edhe kundër përdorimit të drogës nga bashkëmoshatarët e tyre.

Fred Zefi i cili drejton organizatën “Shpresë për botën" në Shkodër thotë se e gjithë shoqëria duhet të sensibilizohet për të mbrojtur të rinjtë kundër përdorimit të drogës në mënyrë që të mos kemi më ngjarje tragjike si ajo e vrasjes së policit në Lezhë.

Marshimi i të rinjve të gjimnazeve të Shkodrës, koalicionit DMA dhe përfaqësuesve të institucioneve dhe policisë vendore Shkodër vijoi deri tek vendi i quajtur truma e dugajve të reja në Shkodër ndërsa në dy momente në shenjë respekti për policin e vrarë të rinjtë u ndalën duke duartrokitur si një ftesë edhe për qytetarët e tjerë që ti bashkohen kësaj nisme.