Një statujë druri e zonjës së parë të Amerikës, Melania Trump, në qytetin e saj të lindjes Sevenica, të Sllovenisë, është djegur gjatë natës mes 4 dhe 5 korrikut.
Ky lajm raportohet nga Reuters, duke cituar artistin amerikan Brad Downey, i cili realizoi veprën.
“Dua të di se pse e bënë”, tha Downey. Ai kërkon të flasë me autorët e këtij veprimi, për një film që po realizon në kuadër të ekspozitës së tij që pritet të hapet në shtator.
Statuja përfaqësonte Melaninë të veshur me të kaltra, ashtu siç u shfaq kur i shoqi Donald Trump, mori detyrën si President.
Fytyra e statujës ishte e gdhendur në mënyrë disi abstrakte duke mos pasqyruar portretin e Melania Trump.
Statuja ishte realizuar me një sharrë elektrike, duke përdorur dru lisi.
Në janar, një statujë e madhe prej druri që i ngjan Donald Trump, e krijuar nga një artist vendas vitin e kaluar, u dogj në qytetin e Sllovenisë, Moravce, në lindje të kryeqytetit të Ljubljanës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
