Lëvizja Vetëvendosje ka akuzuar qeverinë e drejtuar nga Avdullah Hoti për paaftësi në fillimin e vitit të ri shkollor.
Kjo parti opozitare konsideron se ekzekutivi nuk e ka prioritet arsimin dhe se ka krijuar paqartësi tek nxënësit, mësimdhënësit dhe tek vetë prindërit.
Për të gjitha këto, partia e e ish-kryeministrit, Albin Kurti ka thirrur në interpelancë ministrin e Arsimit, Ramë Likaj, kërkesë e cila do të trajtohet sot në mbledhjen e kryesisë.
Deputeti i Vetëvendosjes, Fitim Uka, përmes një konference për medie, tha se qeveria për gjithë muajt që kishte në dispozicion nuk ka bërë asgjë që të niste mbarë fillimi i vitit të ri shkollor.
“Sinjali i parë dhe vula që kjo qeveri nuk e ka prioritet arsimin është shkurtimi i buxhetin për arsim”, tha ai.
Ministria e Arsimit të Kosovës ka propozuar që në fazën e parë të fillojnë mësimin klasat 1, 2, 3, 6, 10 në të gjitha shkollat në Republikën e Kosovës.
Ndërsa, në fazën e dytë, më 21 shtator, të fillojë mësimi për klasat 7, 8, 9, dhe 11, 12, duke vijuar mësimin dy ditë në shkollë dhe tri ditë online.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
