Në kuadër të masave të marra kundër përhapjes së koronavirusit, Inspektorati Shtetëror Shëndetësor ka ndëshkuar 11 subjekte, të cilat nuk kishin respektuar masat.
Mësohet se 4 masa administrative me gjobë janë vendosur në subjekte si fasoneri, kompani nafte, supermarket.
Ndërkohë, është vendosur pezullim aktiviteti për 7 subjekte në institucione publike, market ushqimor, dyqan veshjesh dhe filial banke.
Masat administrative janë vendosur nga degët rajonale e Inspektoratit Shtetëror Shëndetësor në qarqet Dibër, Shkodër, Tiranë, Elbasan, Korçë, Fier, Vlorë.
Në total gjatë kësaj periudhe janë kryer mbi 114 mijë inspektime dhe monitorime dhe janë vendosur mbi 400 masa administrative.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
