Një burrë shkaktoi disa aksidente të martën në darkë në një autostradë në Gjermani, duke plagosur gjashtë persona, tre prej të cilëve janë në gjendje të rëndë, thanë hetuesit.
Prokurori i Përgjithshëm i Berlinit e vendosi theksin tek një sulm me “origjinë islamike”, pasi sipas autoriteteve, agresori, i cili është një 30-vjeçar irakian thërriti “Allah Akbar”, ndërsa filloi të godasë disa makina të tjera.
Më pas, 30-vjeçari, doli nga automjeti i tij duke kërcënuar se kishte armë. Megjithatë, një zëdhënës i autoritetit hetues shtoi se agresori “mendohet të ketë edhe probleme mendore”.
Për shkak të aksidenteve, autostrada ishte e mbyllur për disa orë, duke shkaktuar shqetësime të konsiderueshme.
Bild shkruan se pasi agresori e ndaloi makinën, vendosi një kuti të zezë mbi mjetin e tij, duke thërritur mw pas se “askush të mos afrohet, pasi do të vritet”.
Një ngjarje e tillë të kujton sulmin në tregun e Krishtëlindjes në Breitscheidplatz, kur më 19 dhjetor të 2016, tuniziani Anis Amri përplasi një kamion me shpejtësi të lartë mbi turmën e njerëzve, duke shkaktuar vdekjen e 12 personave dhe dhjetra të plagosur.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
