Një në 127 persona është autik, numri më i lartë në vendet e pasura

<p>Çrregullimi i spektrit të autizmit ka një ndikim të jashtëzakonshëm në shëndetin e të rinjve në botë: ai renditet ndër 10 shkaqet kryesore jo-fatale të shëndetit të dobët tek moshat nën 20 vjeç.</p> <p>Në fakt, vlerësohet se në vitin 2021, rreth 61.8 milionë njerëz janë prekur nga autizmi - i barabartë me 1 në 127 njerëz.</p> <p>Kjo është ajo që del nga një analizë e re globale e kryer si pjesë e Studimit të Barrës Globale të Sëmundjeve, Lëndimeve dhe Faktorëve të Riskut (GBD) 2021. Botuar në The Lancet Psychiatry, studimi është kryer në Institutin për Metrikën dhe Vlerësimin e Shëndetit në Universitetin e Uashingtonit në Seattle.</p> <p>Gjetjet kryesore zbulojnë pabarazi të theksuara: Prevalenca globale e ASD është dukshëm më e lartë tek meshkujt, me 1,065 raste për 100,000 meshkuj, gati dyfishi i prevalencës globale midis femrave (508 për 100,000 femra).</p> <p>Rajonet me të ardhura të larta si Azia-Paqësori, përfshirë Japoninë, shënuan prevalencën më të lartë globale (1,560 për 100,000 njerëz), ndërsa Amerika Latine tropikale dhe Bangladeshi shënuan më të ulëtin. Pavarësisht dallimeve në seks dhe rajon, individët e prekur nga autizmi janë të pranishëm globalisht në të gjitha grupmoshat, me me shumë vite të humbura jete për shkak të aftësisë së kufizuar (DALYs), që lidhet me rritjen e popullsisë.</p> <p>Këto gjetje theksojnë nevojën urgjente për diagnostikim të hershëm dhe mbështetje të qëndrueshme për autikët dhe kujdestarët e tyre në mbarë botën.</p>