Ministrja e Arsimit dhe Sportit Evis Kushi priti sot në një takim zv.ministrin grek të Arsimit dhe Çështjeve Fetare,. Evangelos Syrigos dhe Ambasadoren e Greqisë në Shqipëri, Sophia Philippidou.
Gjatë këtij takimi u diskutua rreth finalizimit së shpejti të marrëveshjes së bashkëpunimit në fushën e njohjes reciproke të diplomave dhe gradave shkencore të lëshuara nga institucionet e arsimit të lartë dhe institucionet e tjera të autorizuara.
Në një status në rrjetet sociale Kushi nënvizon se gjatë diskutimit ajo ka theksuar gjithashtu edhe vëmendjen e posaçme që Ministria e Arsimit dhe Sportit po i kushton shkollave të minoritetit grek në lidhje me kurrikulat, programet, tekstet mësimore, si dhe përmirësimin e infrastrukturës arsimore.
Me kënaqësi prita në MAS zv. Ministrin Grek të Arsimit dhe Çështjeve Fetare z. Evangelos Syrigos dhe Ambasadoren e Greqisë në Shqipëri znj. Sophia Philippidou.
Diskutuam rreth finalizimit së shpejti të marrëveshjes së bashkëpunimit në fushën e njohjes reciproke të diplomave dhe gradave shkencore të lëshuara nga institucionet e arsimit të lartë dhe institucionet e tjera të autorizuara.
Theksova gjithashtu edhe vëmendjen e posaçme që MAS po i kushton shkollave të minoritetit grek në lidhje me kurrikulat, programet, tekstet mësimore, si dhe përmirësimin e infrastrukturës arsimore.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
