Flota e autoambulancave në terren është zgjeruar me 20 mjete të reja, me qëllim të shërbimit të Urgjencës Kombëtare.
Kryeministri Edi Rama, ministrja e Shëndetësisë dhe Mbrojtjes Sociale, Ogerta Manastirliu dhe kreu i Urgjencës Kombëtare, Skënder Brataj panë sot nga afër flotën e re të autoambulancave që do të shpërndahen në gjithë vendin.
Ministrja e Shëndetësisë, Manastirliu, theksoi se ky është investim prej 1.4 milionë euro për sigurimin e automjeteve me standarde “të larta”.
Kjo si përpjekje për të përballuar dhe situatën pandemike COVID-19.
Manastirliu tha se ka pasur më shumë se 140 misione të realizuar nga strukturat e spitaleve, përgjatë vitit 2020.
“Do të jenë 15 postacione”, tha ajo, “ndërsa do të ketë një mini flotë rezervë për rastet e urgjencës”.
Ndër të tjera, Manastirliu tha se janë mbi 100 autoambulanca të reja të investuara në të gjithë Shqipërinë.
Përfshirë dhe ato të investuara në strukturat e Qendrave Shëndetësore, numri shkon “mbi 250 autoambulanca” të organizuar për të mirëpritur të gjitha thirrjet.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
