Ambasada amerikane në Kosovë i ka dhuruar Asociacionit të Komunave të Kosovës teste rapide antigjen për Covid-19 në vlerë prej 476.000 dollarë.
Në njoftimin e AKK-së thuhet se testet do të lehtësojnë testimin e shtuar në shumë komuna të ndryshme.
“Ambasada e Shteteve të Bashkuara dje i ka dhuruar Asociacionit të Komunave të Kosovës Teste Rapide Antigjen në vlerë prej 476.000$ me përkrahjen e programit për Ndihmë Humanitare =EUCOM. Testet do të lehtësojnë testimin e shtuar në shumë komuna të ndryshme.
Koloneli Steve Rose dhe Majorja Courtney Olson ishin të pranishëm gjatë këtij dhurimi së bashku me Z.Sazan Ibrahimi nga Asociacioni i Komunave të Kosovës”, shkruan në njoftimin e saj Asosacioni i Komunave në Kosovë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
