Deputeti Myslim Murrizi të premten është shprehur se ky sistem politik nuk sjell mazhoranca të forta dhe kush e votoi me një mendim të tillë është mashtruar.
"Ky sistem nuk sjell mazhoranca të forta kush e ka bërë me mendimin se po krijon mazhoranca të forta ka qenë i mashtruar. Qeverisja më e mirë post-komuniste ka qenë ajo e vitit 2005-2009 dhe jo se i përket Partisë Demokratike, por nisur nga rezultatet që prodhoi. Pastaj në vitin 2009, PD nuk fitoi dot. Ishte mandati i artë i të ndjerit Dritan Prifti që futi LSI-në 30% brenda qeverisë, 2009-2013", tha ai.
I ftuar në emisionin “Në Fokus” në televizionin TVT, Murrizi tha se është hera e parë që vendi ynë për 12 vjet nuk ka ndryshuar kodin zgjedhor.
Ai tregoi se nga 31 marsi i vitit 1991 dhe deri në vitin 2008 kodi zgjedhor është ndryshuar 12 herë.
Sipas tij, dëshira për të mos e ndryshuar kodin zgjedhor për 12 vjet, vjen për arsyen se kryetarët e partive politike duan të shndërrohen në bajraktarë brenda subjekteve të tyre politike, ose në njëfarë mënyre në mini-diktatorë.
“E gjithë ajo tollovi e djegies së mandateve me datë 19 shkurt, kur militantë të PD-së, thirrën një protestë dhe duartrokitnin a thua se ishin në gjyqet e vitit 1945-së ishte sepse eunukët që rrethojnë Bashën, menduan se me 16 mars do të bëhen zgjedhjet dhe do të ikte një palë dhe të vinte pala tjetër në listë”, tha ai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
