Singapori, një nga vendet më model në luftën kundër pandemisë Covid-19, brenda 24 orëve ka regjistruar 1,400 persona të infektuar.
Një numër shumë i lartë ky, nëse e konsiderojmë se rastet e konfirmuara me Covid-19, tani shkojnë në 8.014 të infektuar, nga të cilat 1,426 janë regjistruar vetëm ditën e fundit.
Ministria e Shëndetësisë deklaroi se rastet e reja kanë të bëjnë me infektimin në konviktet e punëtorëve të huaj nga vendet e tjera të Azisë dhe të angazhuar në sektorin e ndërtimit. Sidoqoftë, të dielën më 19 prill, 596 të infektuar u regjistruan në ishull.
Rasti i Singaporit, pra, tregon edhe një herë se sa e vështirë është të jesh në gjendje t’a përmbash virusin, madje edhe një nga vendet që ka treguar se di të veprojë më mirë se të tjerët.
Edhe Koreja e Jugut, një vend tjetër ku përhapja e Covid-19 është zvogëluar, në javët e fundit janë regjistruar vatra të reja infeksioni, duke shënuar 163 persona të prekur.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
