Qeveria shqiptare ka nisur sot konsultimin me rektorët e Universiteteve publike, me qëllim ngjitjen e Arsimit të Lartë në një nivel tjetër, sic thotë kryeministri Rama.
Në një postim në Facebook, kreu i qeverisë njofton se është dakordësuar për krijimin e Komitetit të Përbashkët për Politikat e Arsimit të Lartë.
Rama nënvizon se do të punojnë ngushtësisht që ta kthejnë mandatin e tretë në fazën e një hopi të madh që studentët tanë të mund të marrin në të ardhmen diploma europiane këtu, në Shqipëri.
“Nisëm sot konsultimin me rektorët e universiteteve publike për ngjitjen e Arsimit të Lartë në një nivel tjetër dhe dakordësuam krijimin e Komitetit të Përbashkët për Politikat e Arsimit të Lartë.
Do të punojmë ngushtësisht -sëbashku që ta kthejmë Mandatin e Tretë në fazën e një hopi të madh, drejt Objektivit Strategjik të Hapjes së Dyerve të universiteteve tona për Universitetet Publike Europiane dhe krijimin e kushteve, që studentët tanë të mund të marrin në të ardhmen diploma europiane këtu, në Shqipëri.#SkaKohëPërPushim”, shkruan Rama.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
