Në shpëtim të jetëve/ Kush është Profesor Doktor Arben Zenelaj

Shërbimi i mjekut është një rrugëtim nga lindja deri në vdekje për jetën e njeriut. Por shpesh sakrificat shërbimi i tyre shpërblehet me vijimin e jetës së një pacienti e nuk mungonojnë rastet e fataliteteve. Në emisionin "FactCheck" Profesor Doktor Arben Zenelaj ndan rrëfimin e tij nga salla ku çdo sekondë luftohet për të shpëtuar jetë.

Është një nga emrat më të spikatur të mjekësisë shqiptare: me titullin Profesor Doktor. Arben Zenelaj, një profesionist me përvojë mbi tre dekada në fushën e kirurgjisë vaskulare dhe të traumës e po ashtu me mantelin e mjekut nën betimin e Hipokratit.

I diplomuar në Fakultetin e Mjekësisë në Tiranë në fillim të viteve ‘90-të, Dr. Zenelaj nuk ka ndaluar së thelluari dijet e tij. Ai ka kryer një sërë specializimesh jashtë vendit, nga Athina në Londër, Maastricht, Marsejë dhe Mynih, duke ndjekur trajnime të avancuara në kirurgji vaskulare, teknika moderne endovaskulare dhe trajtimin e traumave komplekse.

Karriera e tij profesionale përfshin pozicione kyçe në disa prej spitaleve më të rëndësishme të vendit, si Spitali Ushtarak, Spitali Universitar i Traumës dhe Spitali Amerikan në Tiranë. Nga viti 2017 deri në vitin 2021 ka mbajtur postin e drejtorit të Spitalit Universitar të Traumës, ndërsa aktualisht drejton shërbimin e kirurgjisë vaskulare dhe të këmbës diabetike në të njëjtin institucion.

Në planin akademik, Dr. Zenelaj është profesor i asoociuar, lektor në Fakultetin e Mjekësisë dhe autor i dhjetëra punimeve shkencore të botuara në revista prestigjioze ndërkombëtare. Ai është anëtar me të drejta të plota i shoqatave më të njohura evropiane në fushën e kirurgjisë vaskulare dhe endovaskulare, si dhe pjesë e paneleve të rëndësishme mjekësore dhe shkencore në Shqipëri dhe jashtë saj.

Përkushtimi i tij ndaj pacientëve dhe pasioni për shkencën mjekësore e bëjnë Dr. Arben Zenelajn një model profesionalizmi dhe një figurë kyçe në shëndetësinë shqiptare.