Liderja në mërgim e opozitës në Bjellorusi, Svetlana Tikhanoskaya të hënën deklaroi se ishte e gatshme për të udhëhequr vendin dhe bëri thirrje për krijimin e një mekanizmi ligjor për të siguruar mbajtjen e zgjedhjeve presidenciale.
Përmes një video-konference nga Lituania, Tikhanoskaya u kërkoi forcave të sigurisë dhe policisë që të braktisnin presidentin Aleksandër Lukashenko, duke i paralajmëruar se veprimet e tyre të mëparshme do të faleshin, nëse ata do të vepronin tani.
Videoja e saj u publikua një ditë pasi mijëra bjellorusë mbushën qendrën e kryeqytetit Minsk, ndërsa njëkohësisht brohorisnin “tërhiqu”, duke shënuar një nga protestat më të mëdha kundër rizgjedhjes së presidentit Lukashenko.
“Unë jam e gatshme të marr përgjegjësinë dhe të drejtoj vendin gjatë kësaj periudhe”, deklaroi Tikhanoskaya në fjalimin e saj.
Ish-mësuesja e gjuhës angleze është shndërruar në një nga figurat kryesore të opozitës kundër Lukashenkos, i cili po përpiqet të shkatërrojë një valë protestash masive dhe grevash që po sfidojnë seriozisht sundimin e tij 26-vjeçar.
Ajo u largua nga vendi javën e kaluar, duke deklaruar se një veprim të tillë e kishte ndërmarrë për sigurinë e fëmijëve të saj, por nuk vonoi shumë dhe filloi të publikonte video të reja, ndërsa bënte thirrje për vazhdimin e protestave antiqeveritare.
Protestave i janë bashkuar punëtorët e fabrikave, policë dhe disa gazetarë të medias shtetërore, etj.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
