Aksi qe do duhet të përshkohej për në më pak 2 orë e 30 minuta, sot më e paktë kërkon 5 orë. Është kjo alternativa që kanë shqiptarët për të udhëtuar drejt Korçës.
Në ditën e shtatë të bllokimit të rrugës, emisioni FactCheck sjell alternativat se si mund të udhëtoni drejt Korçës, referuar njoftimit zyrtar të Autoriteti Rrugor Shqiptar (ARRSH).
Qarkullimi vijon të jetë i bllokuar në segmentin rrugor në zonën e Arrat e Gurrës, pjesë e aksit Librazhd–Pogradec. Ky segment, i cili pritej të hapej mesditën e të martës, ka pësuar rrëshqitje masive toke duke e bërë të pakalueshëm.
Por si mund të shkohet drejt Korçës, kryeqendrës së Juglindjes?
Distanca me rrugën SH3 Tiranë–Korçë përmes aksit Elbasan–Librazhd–Pogradec është rreth 170–175 km (3 orë).
Me segmentin e bllokuar, udhëtimi devijohet në itinerare më të gjata: Kalimi Për autoveturat
Maliq – Lozhan – Strelc – Gramsh – Elbasan
Distanca Tiranë–Korçë: ≈205–215 km
Kohë udhëtimi: 4–4.5 orë (rrugë malore me kthesa, shpejtësi më e ulët)
Qafthanë – Korçë – Leskovik – Përmet – Tepelenë (devijim jugor)
Distanca Tiranë–Korçë: 330–360 km
Kohë udhëtimi: 6–7 orë (itinerar shumë i gjatë)
Kalimi për mjetet e tonazhit të rëndë:
Qafë Thanë – Maqedoni e Veriut – Bllatë – Rruga e Arbërit
Distanca Tiranë–Korçë: 260–290 km
Kohë udhëtimi: 5–6 orë (kalime kufitare + rrugë interurbane)
Në këtë situatë të krijuar Autoriteti Rrugorë Shqiptarë dhe dhe Policia Rrugore kërkojnë mirëkuptimin e drejtuesve dhe banorëve, duke apeluar që të ndiqet me kujdes sinjalistika dhe udhëzimet në terren.
Për shkak të paqëndrueshmërisë së terrenit në Arrat e Gurrës, hapja e segmentit mbetet e pasigurt deri në përfundim të rivlerësimit teknik.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
