Sot kur në mbarë botën shënohet Dita Ndërkombëtare e Dhurimit Vullnetar të Gjakut, Ministria e Shëndetësisë dhe Mbrojtjes Sociale, ka bërë bilancin e faktit se sa dhurues janë potencial në vend.
Ministrja Albana Koçiu tha sot se “në 5 vitet e fundit 37 096 qytetarë kanë dhuruar gjak duke u ardhur në ndihmë të gjithë atyre që kishin nevojë për këtë produkt jetik i cili nuk blihet, por vetëm dhurohet”.
Koçiu falënderoi mijëra dhurues që me solidaritetin e tyre kanë shpëtuar jetë dhe ndihmuar pacientët talasemikë, të cilët duhet të marrin gjak çdo 2 javë për gjatë gjithë jetës së tyre.
Ministrja e Shëndetësisë i bëri apel të gjithë qytetarëve për dhuruar gjak në ndihmë të fëmijëve talasemikë.
Nevojat për gjak në stinën e verës rriten, për këtë arsye apeli i të gjitha institucioneve shëndetësore është për më shumë dhurime vullnetarë në ndihmë të fëmijëve talasemikë dhe të gjithë atyre që kanë nevojë për gjak.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
